റിയാദ്: ലോകത്തെ വേറിട്ട രുചിക്കൂട്ടുകള്‍ ഒരിടത്ത് ആസ്വദിക്കാന്‍ അവസരമൊരുക്കി 'ലുലു വേള്‍ഡ് ഫുഡ് ഫെസ്റ്റിവല്‍' സൗദി അറേബ്യയില്‍ ആരംഭിക്കുന്നു. ഏപ്രില്‍ 22 മുതല്‍ മെയ് 5 വരെ രണ്ടാഴ്ച നീളുന്ന ഫെസ്റ്റിവലിന്റെ ഔദ്യോഗിക ഉദ്ഘാടനം ഏപ്രില്‍ 24-ന് വൈകിട്ട് 7 മണിക്ക് റിയാദ് മുറബ്ബയിലെ അവന്യൂ മാളില്‍ നടക്കും. പ്രശസ്ത ചലച്ചിത്ര താരം ധ്യാന്‍ ശ്രീനിവാസന്‍ ചടങ്ങില്‍ മുഖ്യാതിഥിയായിരിക്കും.

ജിദ്ദയില്‍ കോണ്‍സല്‍ ജനറല്‍മാരായ റൊമ്മേല്‍ എ. റൊമാറ്റോ, ബാന്‍പോത് ഉജ്ജിന്‍ എന്നിവരും ദമ്മാമില്‍ ലുലു അധികൃതരും ഫെസ്റ്റിന് തുടക്കം കുറിക്കും. ലോകത്തെ സൗദിയിലേക്ക് സ്വാഗതം ചെയ്യുന്ന ഈ മേള ഭക്ഷണപ്രേമികള്‍ക്ക് മറക്കാനാവാത്ത അനുഭവമായിരിക്കുമെന്ന് ലുലു ഹൈപ്പര്‍മാര്‍ക്കറ്റ് സൗദി അറേബ്യ ഡയറക്ടര്‍ മുഹമ്മദ് ഹാരിസ് പറഞ്ഞു.

14 ദിവസത്തെ രുചി വൈവിധ്യം
ഓരോ രണ്ട് ദിവസം കൂടുമ്പോഴും വ്യത്യസ്ത രാജ്യങ്ങളുടെ ഭക്ഷണസംസ്‌കാരങ്ങള്‍ പരിചയപ്പെടാന്‍ ഫെസ്റ്റിവലില്‍ അവസരമുണ്ടാകും.

ഏപ്രില്‍ 22 - 23: ടേസ്റ്റ് ഓഫ് സൗദി (സൗദി വിഭവങ്ങള്‍)

ഏപ്രില്‍ 24 - 25: ടേസ്റ്റ് ഓഫ് ഇന്ത്യ

ഏപ്രില്‍ 26 - 27: ടേസ്റ്റ് ഓഫ് അറേബ്യ

ഏപ്രില്‍ 28 - 29: ടേസ്റ്റ് ഓഫ് ഏഷ്യ

ഏപ്രില്‍ 30 - മെയ് 1: ടേസ്റ്റ് ഓഫ് ഇറ്റലി

മെയ് 2 - 3: ടേസ്റ്റ് ഓഫ് കോണ്ടിനെന്റല്‍

മെയ് 4 - 5: ഹെല്‍ത്തി ബൈറ്റ്‌സ് (ആരോഗ്യദായകമായ വിഭവങ്ങള്‍)

ആകര്‍ഷകമായ ഡീലുകളും മെസ് പ്ലാനും
ഭക്ഷണപ്രേമികള്‍ക്കായി വന്‍ വിലക്കിഴിവാണ് ലുലു ഒരുക്കിയിരിക്കുന്നത്:

5 റിയാലിന് ബിരിയാണി, 2 റിയാല്‍ മുതല്‍ ആരംഭിക്കുന്ന ബ്രേക്ക്ഫാസ്റ്റ് വിഭവങ്ങള്‍, 1.95 റിയാലിന് ഓറഞ്ച്. 10 റിയാല്‍ മുതല്‍ കേക്കുകള്‍, മാസത്തില്‍ 375 റിയാലിന് ബ്രേക്ക്ഫാസ്റ്റ്, ലഞ്ച്, ഡിന്നര്‍ കോമ്പോകള്‍ അടങ്ങിയ പ്രത്യേക മെസ് പ്ലാന്‍.

ഭക്ഷണത്തിന് പുറമെ ഇലക്ട്രോണിക്‌സ്, മൊബൈല്‍, വീട്ടുപകരണങ്ങള്‍ എന്നിവയ്ക്കും വന്‍ ഓഫറുകള്‍ ലഭ്യമാണ്. ലുലു ഹാപ്പിനസ് മെമ്പേഴ്‌സിന് പ്രത്യേക ആനുകൂല്യങ്ങളും ലഭിക്കും.

സന്ദര്‍ശകര്‍ക്കായി കലാപരിപാടികള്‍ക്ക് പുറമെ വിവിധ പാചക മത്സരങ്ങളും സംഘടിപ്പിച്ചിട്ടുണ്ട്: അള്‍ട്ടിമേറ്റ് ബിരിയാണി ചലഞ്ച്, കേക്ക് ഐസിംഗ് മത്സരം, കുട്ടികള്‍ക്കും മുതിര്‍ന്നവര്‍ക്കുമായി സാലഡ് മേക്കിംഗ് തുടങ്ങിയ മത്സരങ്ങളാണ് അരങ്ങേറുക. വിജയികളെ കാത്തിരിക്കുന്നത് 10,000 റിയാല്‍ വരെ മൂല്യമുള്ള സമ്മാനങ്ങളാണ്.

വിവിധ രാജ്യങ്ങളിലെ ട്രെന്‍ഡിംഗ് വിഭവങ്ങള്‍ അണിനിരത്തുന്ന ഗ്ലോബല്‍ ഫുഡ് സ്ട്രീറ്റ്, തത്സമയ പാചക സ്റ്റാളുകള്‍ എന്നിവ ഫെസ്റ്റിവലിന്റെ പ്രധാന ആകര്‍ഷണമാണ്. കൂടാതെ, ലോകത്തെയും സൗദിയിലെയും വിവിധയിനം മാമ്പഴങ്ങള്‍ പരിചയപ്പെടുത്തുന്ന 'സൗദി മാംഗോ ഫെസ്റ്റിവല്‍' ഏപ്രില്‍ 29 മുതല്‍ ഈ മേളയുടെ ഭാഗമായി ആരംഭിക്കും.