റിയാദ്: പശ്ചിമേഷ്യയിലെ നിലവിലെ സംഘര്ഷാവസ്ഥ ലഘൂകരിക്കുന്നതിനുള്ള നയതന്ത്ര നീക്കങ്ങളുടെ ഭാഗമായി സൗദി വിദേശകാര്യ മന്ത്രി ഫൈസല് ബിന് ഫര്ഹാന് രാജകുമാരന് ഇറാന് വിദേശകാര്യ മന്ത്രി അബ്ബാസ് അരാഗ്ചിയുമായി ടെലിഫോണില് ചര്ച്ച നടത്തി. ഞായറാഴ്ചയായിരുന്നു ഇരുനേതാക്കളും തമ്മിലുള്ള സംഭാഷണം.
മേഖലയിലെ പുതിയ സംഭവവികാസങ്ങളും സംഘര്ഷങ്ങള് കുറയ്ക്കുന്നതിനായി ഇരുരാജ്യങ്ങളും നടത്തുന്ന ശ്രമങ്ങളും ചര്ച്ചയില് വിഷയമായി. ഗള്ഫ് മേഖലയില് സമാധാനം പുനഃസ്ഥാപിക്കുന്നതിനുള്ള ചര്ച്ചകള് പുരോഗമിക്കുന്നതിനിടെയാണ് ഈ സുപ്രധാന നീക്കം.
ഇറാന് വിദേശകാര്യ മന്ത്രിക്ക് പുറമെ അഫ്ഗാനിസ്ഥാന് വിദേശകാര്യ മന്ത്രി അമീര് ഖാന് മുത്തഖി, ബഹ്റൈന് വിദേശകാര്യ മന്ത്രി ഡോ. അബ്ദുല്ലത്തീഫ് ബിന് റാഷിദ് അല് സയാനി എന്നിവരുമായും ഫൈസല് രാജകുമാരന് ഞായറാഴ്ച ചര്ച്ചകള് നടത്തി. മേഖലയിലെ പുതിയ രാഷ്ട്രീയ സാഹചര്യങ്ങളും പൊതുവായ താല്പ്പര്യമുള്ള വിഷയങ്ങളുമാണ് അഫ്ഗാന്, ബഹ്റൈന് പ്രതിനിധികളുമായുള്ള സംഭാഷണത്തില് പ്രധാനമായും ഉയര്ന്നുവന്നത്.
Related News
