റിയാദ്: പ്രവാസി സാഹിത്യത്തെ വായനക്കാരിലേക്ക് എത്തിക്കുന്ന പ്രിയദര്‍ശിനി പബ്ലിക്കേഷന്‍സ് സൗദി ചാപ്റ്ററിന്റെ 'എഴുത്തുകാരും പുസ്തകങ്ങളും' പരിപാടിയുടെ നാലാം ഘട്ടം നാളെ (ഒക്ടോബര്‍ 8, വ്യാഴം) നടക്കും. വൈകിട്ട് 7:30-ന് റിയാദിലെ ഡി-പാലസ് ഹോട്ടലിന്റെ ഒന്നാം നിലയിലാണ് പരിപാടി സംഘടിപ്പിച്ചിരിക്കുന്നത്.

എഴുത്തുകാരായ നിഖിലാ സമീര്‍, കമര്‍ബാനു അബ്ദുസ്സലാം എന്നിവരുടെ പുസ്തകങ്ങളാണ് ഇത്തവണ പരിചയപ്പെടുത്തുന്നത്. പുസ്തകങ്ങളെ ആസ്പദമാക്കിയുള്ള ചര്‍ച്ചയ്ക്കൊപ്പം എഴുത്തുകാരുമായി നേരിട്ട് സംവദിക്കാനുള്ള പ്രത്യേക സെഷനും ഒരുക്കിയിട്ടുണ്ട്.

പ്രവാസി എഴുത്തുകാരുടെ രചനകളും സാഹിത്യാനുഭവങ്ങളും അടുത്തറിയാന്‍ അവസരമൊരുക്കുന്ന ഈ പരിപാടിയിലേക്ക് മുഴുവന്‍ വായനക്കാരെയും സാഹിത്യപ്രേമികളെയും സ്വാഗതം ചെയ്യുന്നതായി സംഘാടകര്‍ വാര്‍ത്താക്കുറിപ്പില്‍ അറിയിച്ചു.