കൊളംബസ്: അമേരിക്കയിലെ ഒഹായോ സംസ്ഥാനത്ത് മുസ്ലിം പള്ളിക്കു സമീപമുണ്ടായ വെടിവെപ്പില്‍ ഒരാള്‍ കൊല്ലപ്പെട്ടു. സംഭവം പള്ളിയുമായോ അവിടെയുണ്ടായിരുന്നവരുമായോ ബന്ധപ്പെട്ടതല്ലെന്നാണ് പോലീസ് വിശദീകരണം.

ഒഹായോയിലെ കൊളംബസില്‍ നഗരമധ്യത്തിന്റെ വടക്കുകിഴക്കന്‍ ഭാഗത്തുള്ള പള്ളിക്ക് സമീപമാണ് വെടിവെപ്പുണ്ടായത്. പള്ളിക്കുള്ളില്‍ വെടിവെപ്പുണ്ടായെന്ന പ്രാഥമിക വിവരത്തെ തുടര്‍ന്ന് ഫെഡറല്‍, പ്രാദേശിക പൊലീസ് ഉദ്യോഗസ്ഥര്‍ സ്ഥലത്തെത്തി. തുടര്‍ന്നുള്ള പരിശോധനയിലാണ് പള്ളിയോടു ചേര്‍ന്നുള്ള അപ്പാര്‍ട്ട്മെന്റ് സമുച്ചയത്തിന്റെ പാര്‍ക്കിങ് സ്ഥലത്താണ് സംഭവം നടന്നതെന്ന് വ്യക്തമായത്.

വെടിവെപ്പില്‍ ഒരാള്‍ കൊല്ലപ്പെട്ടതായി പൊലീസ് അറിയിച്ചു. ആക്രമണത്തിന് പള്ളിയുമായോ അവിടെയുണ്ടായിരുന്നവരുമായോ ബന്ധമുണ്ടെന്നതിന് തെളിവ് ലഭിച്ചിട്ടില്ല. വെടിവെപ്പ് നടക്കുന്ന സമയത്ത് പള്ളിയില്‍ ഒരു ചടങ്ങ് പുരോഗമിക്കുകയായിരുന്നുവെന്ന പോലീസ് വെളിപ്പെടുത്തി.