മദീന- സെപ്റ്റംബര്‍ മാസം മദീന മസ്ജിദുന്നബവി സന്ദര്‍ശിച്ചത് 2.16 കോടി തീര്‍ത്ഥാടകരാണെന്ന് ഇരുഹറം കാര്യ അതോറിറ്റി പുറത്തുവിട്ട സ്റ്റാറ്റിസ്റ്റിക്കല്‍ റിപ്പോര്‍ട്ടില്‍ വ്യക്തമാക്കി. സന്ദര്‍ശകരുടെ കണക്കുകളും അവര്‍ക്ക് നല്‍കിയ സേവനങ്ങളും വിലയിരുത്തിയാണ് റിപ്പോര്‍ട്ട് തയ്യാറാക്കിയിരിക്കുന്നത്.

പ്രവാചകരുടെയും (സ) രണ്ട് കൂട്ടായ്മകളുടെയും ഖബറിടങ്ങള്‍ സന്ദര്‍ശിച്ച് സലാം അര്‍പ്പിച്ചവരുടെ എണ്ണം ഇരുപത് ലക്ഷത്തോളമാണ്. റൗദ ശരീഫില്‍ പ്രാര്‍ത്ഥന നിര്‍വ്വഹിച്ചത് 14 ലക്ഷം പേരാണ്.

പ്രവാചക പള്ളി ലൈബ്രറി സന്ദര്‍ശിച്ചത് 81,200 ആളുകളാണ്. മസ്ജിദുന്നബവിയിലെ വിവിധ പ്രദര്‍ശനങ്ങള്‍ കണ്ടത് 1,37,800 സന്ദര്‍ശകരുമാണ്. സന്ദര്‍ശകര്‍ക്ക് സമാധാനപരവും സുഗമവുമായ അന്തരീക്ഷത്തില്‍ ആരാധനാകര്‍മ്മങ്ങള്‍ നിര്‍വ്വഹിക്കുന്നതിനായി ഉയര്‍ന്ന നിലവാരത്തിലുള്ള സേവനങ്ങളാണ് അതോറിറ്റി ഉറപ്പുവരുത്തി വരുന്നത്.