ജിദ്ദ: ആവേശം അവസാന പന്തുവരെ നീണ്ട ജിദ്ദ ഇന്ത്യന്‍സ് ഫ്രണ്ട്‌സ് ലീഗ് ക്രിക്കറ്റ് ടൂര്‍ണമെന്റില്‍ മഹജര്‍ ഹീറോസ് കിരീടം ചൂടി. ഖാലിദ് ബിന്‍ വലീദ് സ്റ്റേഡിയത്തില്‍ നടന്ന ആവേശകരമായ ഫൈനല്‍ പോരാട്ടത്തില്‍ റോറിംഗ് ലയന്‍സിനെ പരാജയപ്പെടുത്തിയാണ് മഹജര്‍ ഹീറോസ് ചാമ്പ്യന്‍മാരായത്.

നാലുമാസം നീണ്ട വാശിയേറിയ ലീഗ് മത്സരങ്ങള്‍ക്കും ക്വാളിഫയര്‍ പോരാട്ടങ്ങള്‍ക്കും ഒടുവിലായിരുന്നു കലാശപ്പോരാട്ടം. ടോസ് നേടി ആദ്യം ബാറ്റിംഗിന് ഇറങ്ങിയ മഹജര്‍ ഹീറോസ് നിശ്ചിത 12 ഓവറില്‍ 7 വിക്കറ്റ് നഷ്ടത്തില്‍ 179 റണ്‍സ് എന്ന കൂറ്റന്‍ സ്‌കോര്‍ പടുത്തുയര്‍ത്തി.

ജുനൈസ്: 23 പന്തില്‍ 67 റണ്‍സ് (മാന്‍ ഓഫ് ദി മാച്ച്), നൈസല്‍: 35 റണ്‍സ്, ഫൈസല്‍: 31 റണ്‍സ്

മറുപടി ബാറ്റിംഗിന് ഇറങ്ങിയ, ഷമീര്‍ ഷാജഹാന്‍ നയിച്ച റോറിംഗ് ലയന്‍സിന് നിശ്ചിത ഓവറില്‍ 6 വിക്കറ്റ് നഷ്ടത്തില്‍ 136 റണ്‍സ് എടുക്കാനേ സാധിച്ചുള്ളൂ. ആഷിക് ഖാന്‍ നയിച്ച മഹജര്‍ ഹീറോസിന്റെ ബൗളിംഗ് നിര കൃത്യമായ ഇടവേളകളില്‍ വിക്കറ്റുകള്‍ വീഴ്ത്തി ലയന്‍സിന്റെ കുതിപ്പിന് തടയിട്ടു. കേരള എഞ്ചിനീയേഴ്‌സ് ഫോറം, ഷാര്‍ക്സ് ക്രിക്കറ്റ് സ്‌കോഡ് എന്നീ ടീമുകള്‍ ക്വാളിഫയറില്‍ എത്തിയെങ്കിലും ഫൈനല്‍ ബര്‍ത്ത് നേടാനായില്ല. ടൂര്‍ണമെന്റിലുടനീളം മികച്ച പ്രകടനം കാഴ്ചവെച്ച താരങ്ങളെ ചടങ്ങില്‍ ആദരിച്ചു:

ടൂര്‍ണമെന്റിലെ താരം: സന്ദീപ് (ഗൂഗിളി ഗ്യാങ്ങ്)

മികച്ച ബാറ്റര്‍: സൂരജ് (മഹജര്‍ ഹീറോസ്)

മികച്ച ബൗളര്‍: സജ്ജാദ് (കേരള എഞ്ചിനീയേഴ്‌സ് ഫോറം)

വിജയികള്‍ക്കുള്ള ട്രോഫികള്‍ ജിദ്ദ ഇന്ത്യന്‍ മീഡിയ ഫോറം പ്രസിഡന്റ് ജലീല്‍ കണ്ണമംഗലം വിതരണം ചെയ്തു. റണ്ണറപ്പ് ടീമിനുള്ള ട്രോഫി ടൂര്‍ണമെന്റ് കണ്‍വീനര്‍ ഷാനവാസ് സ്‌നേഹക്കൂട് സമ്മാനിച്ചു.

സഫുവാന്‍ പി.എം, ഫായിസ് ആലുങ്കല്‍, സിറാജ് കണ്ണൂര്‍, ആശിര്‍ കൊല്ലം, സജീവ് റഷീദ്, റഹീം കെ.ടി, ഷാജഹാന്‍ കൊടിമരം, ഹര്‍ഷദ് കൊമ്പന്‍സ് തുടങ്ങിയ പ്രമുഖര്‍ വിജയികള്‍ക്ക് സമ്മാനങ്ങള്‍ കൈമാറി. മുഹമ്മദ് ഹസന്‍, അന്‍വര്‍ കല്ലമ്പലം, നിയാസ് താനൂര്‍, സഫുവാന്‍ തങ്ങള്‍ എന്നിവര്‍ മത്സരങ്ങള്‍ നിയന്ത്രിച്ചു. നൗഷാദ് നൗബോയുടെ കമന്ററിയും ഷഹീറിന്റെ ലൈവ് സ്ട്രീമിംഗും ഫൈനല്‍ രാത്രിയെ കൂടുതല്‍ വര്‍ണ്ണാഭമാക്കി. നൗഷാദ് നൗബോയ്, ലുലു സൈനി എന്നിവരുടെ നേതൃത്വത്തിലാണ് ഗ്രാന്‍ഡ് ഫിനാലെ സംഘടിപ്പിച്ചത്.