ജിദ്ദ: വേള്ഡ് മലയാളി ഫെഡറേഷന് (WMF) ജിദ്ദ ചാപ്റ്റര് സംഘടിപ്പിച്ച പ്രഥമ കായികമേള അംഗങ്ങളുടെ സജീവ പങ്കാളിത്തം കൊണ്ട് ശ്രദ്ധേയമായി. ജിദ്ദയില് നടന്ന മത്സരങ്ങളില് രണ്ട് ഗ്രൂപ്പുകളിലായാണ് അംഗങ്ങള് അണിനിരന്നത്.
രണ്ട് ടീമംഗങ്ങളും പങ്കെടുത്ത വര്ണ്ണാഭമായ മാര്ച്ച് പാസ്റ്റ് മലയാളം ന്യൂസ് മുന് എഡിറ്റര് മുസാഫിര് ഫ്ലാഗ് ഓഫ് ചെയ്തു. എ ടീമിനെ നിഷ ഷിബു, ശിവാനന്ദന് എന്നിവര് നയിച്ചപ്പോള് നിതേഷ് ബാലന്, സോഫിയ സുനില് എന്നിവര് ബി ടീമിനെ നയിച്ചു.
ഡബ്ല്യു.എം.എഫ് അംഗവും ക്ലബ് സുലൈമാനി ചെയര്മാനുമായ റിയാസ് കള്ളിയത്ത് ടീം അംഗങ്ങള്ക്കുള്ള ജേഴ്സികള് സ്പോണ്സര് ചെയ്തു. കുട്ടികള്ക്കും മുതിര്ന്നവര്ക്കുമായി ഇരുപതോളം ഇന്ഡോര്-ഔട്ട്ഡോര് മത്സരങ്ങള് നടന്നു. പോയിന്റ് അടിസ്ഥാനത്തില് മുന്നിലെത്തിയ ടീമിന് അഷ്റഫ് കുന്നത്ത് സ്പോണ്സര് ചെയ്ത എവര് റോളിംഗ് ട്രോഫി സമ്മാനിച്ചു. പ്രസിഡന്റ് സജി കുര്യാക്കോസ്, സ്പോര്ട്സ് കോര്ഡിനേറ്റര് വര്ഗീസ് ഡാനിയേല് എന്നിവരുടെ നേതൃത്വത്തിലുള്ള കമ്മിറ്റിയാണ് മേളയ്ക്ക് നേതൃത്വം നല്കിയത്.
സെക്രട്ടറി യൂനസ്, ഡോ. വിനിത പിള്ള, നൗഷാദ് അടൂര്, എബി ചെറിയാന്, പ്രിയ സന്ദീപ്, മനോജ് മാത്യു, ഉണ്ണി തെക്കേടത്ത്, മുഹമ്മദ് ബൈജു, നിസാര് കോട്ടയം എന്നിവര് പരിപാടികള് ഏകോപിപ്പിച്ചു.
177 പോയിന്റുകള് നേടി ബി ടീം വിജയികളായപ്പോള് 142 പോയിന്റുകള് നേടി എ ടീം രണ്ടാം സ്ഥാനം കരസ്ഥമാക്കി.
മോഹന് ബാലന്, ഷാനവാസ് വണ്ടൂര്, റൂബി സമീര്, സുശീല ജോസഫ്, ബാജി നെല്പുരയില്, ഷിബു ചാലക്കുടി, മുഹമ്മദ് സുബൈര്, സന്തോഷ് വടവട്ടത്ത്, ബീരാന് കൊയിസ്സന്, ബീന പരീത്, ബഷീറലി പരുത്തിക്കുന്നന്, ഡോ. ഷഫീഖ്, അബ്ദുല് സലീം, ജോയ്കുട്ടി, സമീര് കുന്നന്, ജോസഫ് വര്ഗീസ്, ഷാനവാസ് ഷാന്, സന്ദീപ്, സുനില്, സലീന മുസാഫിര് എന്നിവരുടെ സാന്നിധ്യം മത്സരാര്ത്ഥികള്ക്ക് ആവേശം പകര്ന്നു. അംഗങ്ങള്ക്കിടയില് സൗഹൃദവും അടുപ്പവും ഊട്ടിയുറപ്പിക്കാന് കായികമേളയിലൂടെ സാധിച്ചുവെന്ന് സ്പോര്ട്സ് കോര്ഡിനേറ്റര് വര്ഗീസ് ഡാനിയേല് അറിയിച്ചു.
