ഹഫര് അല് ബാത്തിന്: കേരള നിയമസഭാ തിരഞ്ഞെടുപ്പില് യുഡിഎഫ് നേടിയ ഉജ്ജ്വല വിജയത്തെ തുടര്ന്ന് ഹഫര് അല് ബാത്തിനില് പ്രവാസി സംഘടനകളുടെ നേതൃത്വത്തില് വിജയാഘോഷ പരിപാടി സംഘടിപ്പിച്ചു. ഒഐസിസിയും കെഎംസിസിയും ചേര്ന്നാണ് പരിപാടിക്ക് നേതൃത്വം നല്കിയത്. യുഡിഎഫിന്റെ വിജയം പ്രവര്ത്തകരും സംഘടനാ അംഗങ്ങളും ഹഫര് അല് ബാത്തിന്റെ വിവിധ പ്രദേശങ്ങളില് മധുരപലഹാര വിതരണം നടത്തി ആഘോഷിച്ചു.
ബാബ മഞ്ചേശ്വരം, വിബിന് മറ്റത്ത്, ഫൈസല് മാസ്റ്റര്, സൈഫുദ്ദീന് പള്ളിമുക്ക്, സലീം കീരിക്കാട്, സലാം മാസ്റ്റര് എന്നിവര് പരിപാടിക്ക് നേതൃത്വം നല്കി. യുഡിഎഫിന്റെ വിജയത്തിനായി പ്രവര്ത്തിച്ച എല്ലാ പ്രവര്ത്തകരുടെയും പരിശ്രമം അഭിനന്ദനാര്ഹമാണെന്ന് നേതാക്കള് പറഞ്ഞു. വിജയിച്ച ജനപ്രതിനിധികള്ക്ക് അവര് ഹൃദയപൂര്വ്വം അഭിനന്ദനങ്ങള് അറിയിച്ചു.
യുഡിഎഫിന്റെ വിജയം ജനാധിപത്യത്തിന്റെ ശക്തമായ പ്രതിഫലനമാണെന്നും കേരളത്തിലെ ജനവിശ്വാസം വ്യക്തമാക്കുന്ന വിജയമാണെന്നും പ്രവാസി നേതാക്കള് അഭിപ്രായപ്പെട്ടു. പ്രവാസി സമൂഹം എന്നും ജനപക്ഷ രാഷ്ട്രീയത്തിനും ജനാധിപത്യ മൂല്യങ്ങള്ക്കും പിന്തുണ നല്കുമെന്ന് അവര് വ്യക്തമാക്കി.
യുഡിഎഫ് നേതൃത്വത്തിന്റെ സത്യപ്രതിജ്ഞാ ദിനത്തില് വന് ആഘോഷ പരിപാടികള് സംഘടിപ്പിക്കുമെന്നും അതിനായുള്ള ഒരുക്കങ്ങള് ആരംഭിച്ചിട്ടുണ്ടെന്നും നേതാക്കള് അറിയിച്ചു. ഹഫര് അല് ബാത്തിന് യുഡിഎഫ് പ്രവാസി ഘടകം പരിപാടിയില് പങ്കെടുത്ത എല്ലാവര്ക്കും നന്ദി അറിയിച്ചു. പ്രവാസി സമൂഹത്തിന്റെ ഐക്യവും സഹകരണവും ഈ വിജയാഘോഷത്തിലൂടെ കൂടുതല് ശക്തമായതായി പ്രവര്ത്തകര് അഭിപ്രായപ്പെട്ടു.
.jpg)
Related News
