​
​ജിദ്ദ: ജിദ്ദ നിലമ്പൂർ മണ്ഡലം കെ.എം.സി.സി കമ്മിറ്റിയുടെ ആഭിമുഖ്യത്തിൽ നിയമസഭാ തിരഞ്ഞെടുപ്പ് വിജയാഘോഷം സംഘടിപ്പിച്ചു. ജിദ്ദ അജ്‌വാദ് വില്ലയിൽ നിലമ്പൂർ മണ്ഡലം കെ.എം.സി.സി പ്രസിഡന്റ് ഫസലു റഹ്മാന്റെ അധ്യക്ഷതയിൽ ചേർന്ന ആഘോഷ പരിപാടി മലപ്പുറം ജില്ലാ കെ.എം.സി.സി പ്രസിഡന്റ് ഇസ്മായിൽ മുണ്ടുപറമ്പ് ഉദ്ഘാടനം ചെയ്തു. ജിദ്ദ സെൻട്രൽ കമ്മിറ്റി ആക്ടിങ് സെക്രട്ടറി ഇസ്ഹാഖ് പൂണ്ടോളി മുഖ്യപ്രഭാഷണം നടത്തി.
​മലപ്പുറം ജില്ലാ കെ.എം.സി.സി ജനറൽ സെക്രട്ടറി നാണി മാസ്റ്റർ, വൈസ് പ്രസിഡന്റുമാരായ ഇണ്ണിയാക്ക, അഷ്റഫ് മുല്ലപ്പള്ളി, സെക്രട്ടറി അബൂട്ടി പള്ളത്ത്, മലപ്പുറം ജില്ലാ കെ.എം.സി.സി വനിതാ വിങ് ജനറൽ സെക്രട്ടറി സുഹൈല ജനീഷ്, ട്രഷറർ ഷഫീദ മുല്ലപ്പള്ളി എന്നിവർ ആശംസകൾ നേർന്നു സംസാരിച്ചു.
​അമീൻ ഇസ്ലാഹി, മനാഫ് അമരമ്പലം, റാഫി വഴിക്കടവ്, ജലീൽ മൂത്തേടം, അൻവർ ബാപ്പു, സുധീർ കുരിക്കൽ, ഉമ്മർ കെ.ടി, ജനീഷ് വഴിക്കടവ്, സൗഫൽ, റഫീഖ് കരുളായി എന്നിവർ പരിപാടിക്ക് നേതൃത്വം നൽകി.
​മണ്ഡലം കെ.എം.സി.സി സെക്രട്ടറി ജാബിർ ചങ്കരത്ത് സ്വാഗതവും ട്രഷറർ സലീം മുണ്ടേരി നന്ദിയും പറഞ്ഞു.