ചെന്നൈ: കേരളത്തിലുള്പ്പെടെ രാജ്യത്തെ വിവിധ സംസ്ഥാനങ്ങളില് വ്യാജ ബോംബ് ഭീഷണി സന്ദേശങ്ങള് അയച്ച് പരിഭ്രാന്തി സൃഷ്ടിച്ച തമിഴ്നാട് സ്വദേശിയായ സോഫ്റ്റ്വെയര് എന്ജിനീയര് വിമാനത്താവളത്തില് പിടിയിലായി. യു.എസിലെ ടെക്സസില് ജോലി ചെയ്യുന്ന ശരത് സുബ്രഹ്മണ്യം ശങ്കര് അവധിക്കു നാട്ടിലെത്തിയപ്പോഴാണു തമിഴ്നാട് ഭീകരവിരുദ്ധ സേനയുടെ (എ.ടി.എസ്) പിടിയിലായത്. ചെന്നൈ അന്താരാഷ്ട്ര വിമാനത്താവളത്തില് വെച്ചായിരുന്നു അറസ്റ്റ്.
2023-നും 2025-നും ഇടയിലുള്ള മൂന്നു വര്ഷത്തിനിടെ 1500-ലധികം വ്യാജ ബോംബ് ഭീഷണി ഇമെയിലുകളാണ് ഇയാള് അയച്ചത്. വിമാനത്താവളങ്ങള്, വിദ്യാഭ്യാസ സ്ഥാപനങ്ങള്, സര്ക്കാര് ഓഫിസുകള്, പ്രമുഖ വ്യക്തികള് എന്നിവരെ ലക്ഷ്യമിട്ടായിരുന്നു ഈ സന്ദേശങ്ങളെല്ലാം. തമിഴ്നാട്ടില് മാത്രം ഇയാള്ക്കെതിരെ നൂറിലധികം കേസുകളാണുള്ളത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Related News
