ജിദ്ദ: ഒഐസിസി ജിദ്ദ മലപ്പുറം ജില്ലാ പ്രസിഡന്റായി കെപിസിസി നിയമിച്ച ഫിറോസ് ചെറുകോട് ചുമതലയേറ്റു. കെപിസിസി, ഒഐസിസി നേതൃത്വങ്ങളുടെ മാര്‍ഗ്ഗനിര്‍ദ്ദേശങ്ങള്‍ പാലിച്ച് ഐക്യത്തോടെയും കെട്ടുറപ്പോടെയുമുള്ള പ്രവര്‍ത്തനങ്ങളിലൂടെ ജില്ലാ കമ്മിറ്റി മുന്നോട്ടുപോകുമെന്ന് ചുമതലയേറ്റ ഫിറോസ് പറഞ്ഞു. പ്രവാസിക്ഷേമത്തിന് ഊന്നല്‍ നല്‍കി ജീവകാരുണ്യ, കലാ-കായിക മേഖലകളില്‍ ആത്മാര്‍ഥവും കൂട്ടായതുമായ പ്രവര്‍ത്തനങ്ങള്‍ക്ക് ജില്ലാ കമ്മിറ്റി നേതൃത്വം നല്‍കുമെന്നും അദ്ദേഹം കൂട്ടിച്ചേര്‍ത്തു.
ഒഐസിസി നാഷണല്‍ കമ്മിറ്റി ജനറല്‍ സെക്രട്ടറി അഷ്റഫ് അഞ്ചാലന്‍ ചടങ്ങ് ഉദ്ഘാടനം ചെയ്തു. ഒഐസിസി റീജിയണല്‍ കമ്മിറ്റി പ്രസിഡന്റ് ഹക്കീം പാറക്കല്‍ മുഖ്യപ്രഭാഷണം നടത്തി. മുതിര്‍ന്ന ഒഐസിസി നേതാവ് സി.സി. ഷംസു ഹാജി, റീജിയണല്‍ കമ്മിറ്റി ഭാരവാഹികളായ ആസാദ് പോരൂര്‍, ഷൗക്കത്ത് പരപ്പനങ്ങാടി, ജലീഷ് കാളികാവ്, അഹമ്മദ് ഷാനി, മുസ്തഫ ചേളാരി, കുഞ്ഞാന്‍ പൂക്കാട്ടില്‍, സി.ടി.പി. ഇസ്മായില്‍, റഹീം മേക്കമണ്ണില്‍, ഷിബു കാളികാവ്, ഷാനുജ് വാഴക്കാട്, ഡോ. അഷ്റഫ് ഇരുമ്പുഴി തുടങ്ങിയവര്‍ ആശംസകള്‍ നേര്‍ന്നു. എം.ടി. ഗഫൂര്‍, നൗഫല്‍ വണ്ടൂര്‍, സമീര്‍ കാളികാവ്, ബഷീര്‍ പരുത്തിക്കുന്നന്‍ തുടങ്ങിയവര്‍ ചടങ്ങിന് നേതൃത്വം നല്‍കി. ജില്ലാ കമ്മിറ്റി ജനറല്‍ സെക്രട്ടറി അലവി ഹാജി സ്വാഗതവും സെക്രട്ടറി നജ്മുദ്ദീന്‍ ചുങ്കത്തറ നന്ദിയും പറഞ്ഞു.
.jpg)
.jpg)
