റിയാദ്- സൗദി അറേബ്യയിലെ നജ്റാന്‍ മേഖലയില്‍ നാഷണല്‍ ഗാര്‍ഡ് മന്ത്രാലയത്തിന്റെ AH-6i നിരീക്ഷണ ഹെലികോപ്റ്റര്‍ സാങ്കേതിക തകരാറിനെ തുടര്‍ന്ന് തകര്‍ന്നു വീണതായി യമനിലെ സഖ്യസേന വക്താവ് മേജര്‍ ജനറല്‍ തുര്‍ക്കി അല്‍-മാലിക്കി അറിയിച്ചു.
അപകടത്തില്‍ ഹെലികോപ്റ്ററിലുണ്ടായിരുന്ന രണ്ട് ഉദ്യോഗസ്ഥര്‍ വീരമൃത്യു വരിച്ചതായി അല്‍-മാലിക്കി വ്യക്തമാക്കി. 'രക്തസാക്ഷികളായ ഉദ്യോഗസ്ഥരുടെ ആത്മാക്കള്‍ക്ക് സര്‍വ്വശക്തനായ ദൈവം ആശ്വാസം നല്‍കട്ടെയെന്നും, അവരുടെ കുടുംബങ്ങള്‍ക്ക് ഈ ദുഃഖം സഹിക്കാനുള്ള കരുത്ത് നല്‍കട്ടെയെന്നും പ്രാര്‍ത്ഥിക്കുന്നു,' എന്ന് അദ്ദേഹം അനുശോചിച്ചു.
അതേസമയം, സഖ്യസേനയുടെ അപ്പാച്ചെ (അുമരവല) ഹെലികോപ്റ്റര്‍ വെടിവെച്ചിട്ടു എന്ന ഹൂത്തി മിലിഷ്യയുടെ അവകാശവാദങ്ങള്‍ മേജര്‍ ജനറല്‍ തുര്‍ക്കി അല്‍-മാലിക്കി പൂര്‍ണ്ണമായും തള്ളി. ഈ ഹെലികോപ്റ്ററുകള്‍ ഉടന്‍ തന്നെ യുദ്ധക്കളത്തില്‍ പ്രവേശിക്കുമെന്ന് ഉറപ്പിച്ചു പറഞ്ഞ അദ്ദേഹം, ഹൂത്തികളുടെ വ്യാജപ്രചാരണങ്ങള്‍ക്കെതിരെ ശക്തമായ ഭാഷയിലാണ് പ്രതികരിച്ചത്.
Related News
