റിയാദ്: ദൈവിക സൃഷ്ടിപ്പിലെ വൈവിധ്യങ്ങളെ തിരിച്ചറിഞ്ഞ് ബഹുസ്വരതയുടെ യാഥാര്ത്ഥ്യം ഉള്ക്കൊള്ളാനുള്ള പ്രേരണയാണ് വിശുദ്ധ റമദാന് നല്കുന്നതെന്ന് മര്കസ് റിയാദ് ഗ്രാന്ഡ് ഇഫ്താര് സംഗമം അഭിപ്രായപ്പെട്ടു. റിയാദ് അല്നൂര് സ്കൂള് ഗ്രൗണ്ടില് സംഘടിപ്പിച്ച പ്രൗഢമായ സംഗമം മര്കസ് ജനറല് മാനേജരും ഹജ്ജ് കമ്മിറ്റി അംഗവുമായ സി. മുഹമ്മദ് ഫൈസി ഉദ്ഘാടനം ചെയ്തു.
സ്രഷ്ടാവിന്റെ സൃഷ്ടികളോട് കാണിക്കുന്ന കാരുണ്യത്തിലാണ് ദൈവപ്രീതി കുടികൊള്ളുന്നതെന്ന് അദ്ദേഹം പറഞ്ഞു. അഗതികളോടും അനാഥരോടും ദയ കാണിക്കുകയും സഹജീവികളോട് സഹിഷ്ണുതയോടെ പെരുമാറുകയും ചെയ്യുമ്പോഴാണ് നാം ദൈവകാരുണ്യത്തിന് അര്ഹരാകുന്നത്. ലഭിച്ച സമ്പദ്സമൃദ്ധിയില് അഹങ്കരിക്കാതെ പാവപ്പെട്ടവരുടെ കഷ്ടപ്പാടുകളില് സാന്ത്വനമേകാന് റമദാന് അവസരമൊരുക്കണം. പ്രകൃതിവിഭവങ്ങളുടെ സംരക്ഷകരാകാന് വിശ്വാസികള്ക്ക് സാധിക്കണമെന്നും അദ്ദേഹം കൂട്ടിച്ചേര്ത്തു. കേവലം അന്നപാനീയങ്ങള് ഉപേക്ഷിക്കല് മാത്രമല്ല വ്രതമെന്നും, തിന്മകളെ വെടിഞ്ഞ് നന്മകളെ ഉള്ക്കൊള്ളാനും സഹജീവികളുടെ പ്രയാസങ്ങള് തിരിച്ചറിയാനുമുള്ള പരിശീലനമാണ് നോമ്പിന്റെ അന്തസത്തയെന്നും അദ്ദേഹം വ്യക്തമാക്കി.
മര്കസ് റിയാദ് കമ്മിറ്റി പ്രസിഡന്റ് അബ്ദുല് നാസര് അഹ്സനി ചടങ്ങില് അധ്യക്ഷത വഹിച്ചു. ശിഹാബുദ്ധീന് മുത്തന്നൂര് തങ്ങള് മുഖ്യപ്രഭാഷണം നടത്തി. ഐ.സി.എഫ് റിയാദ് റീജിയന് പ്രസിഡന്റ് മുഹമ്മദ് കുട്ടി സഖാഫി, അബ്ദുല് റഷീദ് ബാഖവി തുടങ്ങിയവര് സംസാരിച്ചു.
സമൂഹത്തിന്റെ നാനാതുറകളിലുള്ള രണ്ടായിരത്തിലധികം പേര് പങ്കെടുത്ത സംഗമത്തില് സ്ത്രീകള്ക്കും കുട്ടികള്ക്കും പ്രത്യേക സൗകര്യങ്ങള് ഒരുക്കിയിരുന്നു. അബ്ദുല് റഹ്മാന് സഖാഫി ചെമ്പ്രശ്ശേരി, കബീര് ചേളാരി, മജീദ് ഹാജി എടയന്നൂര്, മുജീബ് കാലടി, അബ്ദുല് അസീസ് പാലൂര്, ബഷീര് മാസ്റ്റര് നാദാപുരം, ഇബ്രാഹിം കരീം, ലുക്മാന് പാഴൂര്, അബ്ദുല് സലാം വടകര, ഉമര് പന്നിയൂര്, ജാബിര് അലി പത്തനാപുരം, ഫൈസല് മമ്പാട്, ജബ്ബാര് കുനിയില്, ഹസൈനാര് ഹാറൂനി, ശാക്കിര് കൂടാളി, സജീദ് മാട്ട, അക്ബര് കുനിയില്, മുനീര് കൊടുങ്ങല്ലൂര്, ബഷീര് മിസ്ബാഹി, അബ്ദുല് റഹ്മാന് സഖാഫി ബദിയ, സാദിഖ് മേല്മുറി, സമദ് മാവൂര്, മുജീബ് അണ്ടോണ, സിറാജ് വേങ്ങര തുടങ്ങിയവര് പരിപാടിക്ക് നേതൃത്വം നല്കി.
മര്കസ് റിയാദ് കമ്മിറ്റി സെക്രട്ടറി ഫസല് കുട്ടശ്ശേരി സ്വാഗതവും സ്വാഗതസംഘം കണ്വീനര് മന്സൂര് പാലത്ത് നന്ദിയും പറഞ്ഞു.
.jpg)
Related News
