റിയാദ്: തൃശ്ശൂര് ജില്ലാ പ്രവാസി കൂട്ടായ്മയുടെ ആഭിമുഖ്യത്തില് റിയാദിലെ മലസ് ചെറീസ് ഓഡിറ്റോറിയത്തില് സംഘടിപ്പിച്ച 'ഇഫ്താര് 2026' പ്രവാസി പങ്കാളിത്തം കൊണ്ട് ശ്രദ്ധേയമായി. സൗഹൃദവും സാഹോദര്യവും ഊട്ടിയുറപ്പിക്കുന്നതിനായി സംഘടിപ്പിച്ച ചടങ്ങില് റിയാദിലെ സാമൂഹിക-സാംസ്കാരിക രംഗത്തെ പ്രമുഖര് പങ്കെടുത്തു.
സെന്ട്രല് കമ്മിറ്റി പ്രസിഡന്റ് രാധാകൃഷ്ണന് കളവൂരിന്റെ അധ്യക്ഷതയില് ചേര്ന്ന സാംസ്കാരിക സമ്മേളനം പ്രമുഖ സാമൂഹിക പ്രവര്ത്തകന് ശിഹാബ് കൊട്ടുകാട് ഉദ്ഘാടനം ചെയ്തു. പ്രവാസലോകത്തെ തൃശ്ശൂര്ക്കാരുടെ ഐക്യം കൂടുതല് ശക്തമാക്കുന്നതിനായി രൂപകല്പ്പന ചെയ്ത കൂട്ടായ്മയുടെ ഔദ്യോഗിക വെബ്സൈറ്റിന്റെ ഉദ്ഘാടനവും അദ്ദേഹം നിര്വ്വഹിച്ചു.
കഴിഞ്ഞ രണ്ട് പതിറ്റാണ്ടുകാലത്തെ സംഘടനയുടെ പ്രവര്ത്തന ചരിത്രവും പുതിയ കാലത്തെ മാറ്റങ്ങളും ഉള്ക്കൊള്ളിച്ചാണ് വെബ്സൈറ്റ് തയ്യാറാക്കിയിരിക്കുന്നത്. പ്രവാസികള്ക്ക് പരസ്പരം ബന്ധപ്പെടാനും വിവരങ്ങള് പങ്കുവെക്കാനുമുള്ള സുശക്തമായ ഡിജിറ്റല് പ്ലാറ്റ്ഫോമായി ഇത് മാറുമെന്ന് ഉദ്ഘാടന പ്രസംഗത്തില് അദ്ദേഹം പറഞ്ഞു.
മുനീര് കൊടുങ്ങല്ലൂര് ചടങ്ങില് ഇഫ്താര് സന്ദേശം നല്കി. റഹ്മാന് മുനമ്പത്ത് (ഫോര്ക ചെയര്മാന്), ജയന് കൊടുങ്ങല്ലൂര് (മീഡിയ ജനറല് സെക്രട്ടറി & പ്രസിഡന്റ്, കൊടുങ്ങല്ലൂര് കൂട്ടായ്മ), ഷംനാദ് കരുനാഗപ്പള്ളി (മീഡിയ ഫോറം കണ്വീനര്), ഷിബു ഉസ്മാന് (മീഡിയ ഫോറം കോഡിനേറ്റര്), നാസര് വലപ്പാട് (ഒ.ഐ.സി.സി. തൃശ്ശൂര് ജില്ലാ പ്രസിഡന്റ്), മുഹമ്മദ് കുട്ടി (കെ.എം.സി.സി. തൃശ്ശൂര് ജില്ലാ പ്രസിഡന്റ്), ജാഫര് തങ്ങള് (ഗ്ലോബല് പ്രസിഡന്റ്, ഞങ്ങള് ചാവക്കാട്ടുകാര് കൂട്ടായ്മ), ആഷിക് വലപ്പാട് (ജനറല് സെക്രട്ടറി, വലപ്പാട് കൂട്ടായ്മ) എന്നിവര് ആശംസകള് നേര്ന്നു.
പ്രോഗ്രാം കണ്വീനര് ജവാദ് ആമുഖ പ്രസംഗം നടത്തി. ജനറല് സെക്രട്ടറി സഗീര് അന്താറത്തറ സ്വാഗതവും ട്രഷറര് അനില് മാളിയേക്കല് നന്ദിയും പറഞ്ഞു.
ലിനോ മുട്ടത്ത്, സോണറ്റ് കൊടകര, മുഹമ്മദ് ഷാജി, ഷാനവാസ് പുനലത്ത്, ഡേവിഡ് മാങ്ങന്, കുമാര് കള്ളിമംഗലം, ബാബു രാമചന്ദ്രന്, ജിജു വേലായുധന്, അനില് കുന്നംകുളം, രഘുനന്ദന്, അമ്പിളി ടീച്ചര്, നിക്സണ്, രാജീവ്, ജയശങ്കര്, സെയ്ഫ് റഹ്മാന്, ഗഫൂര് ചെന്ത്രാപ്പിന്നി, ജമാല് ചിറക്കല്, ആല്വിന്, സോണി പാറക്കല്, ഹുസൈന്, ബാലന് പെരിഞ്ഞനം എന്നിവര് പരിപാടികള്ക്ക് നേതൃത്വം നല്കി.
Related News
