കോഴിക്കോട്: ഗള്ഫിലെ നിലവിലെ പ്രത്യേക സാഹചര്യത്തില് വിമാന കമ്പനികള് യാത്രാ നിരക്ക് വര്ദ്ധിപ്പിച്ചതോടെ നാട്ടിലെത്താന് പ്രയാസപ്പെടുന്ന പ്രവാസികള്ക്ക് അടിയന്തര സഹായമൊരുക്കണമെന്ന് നാഷണല് പ്രവാസി ലീഗ് (എന്.പി.എല്.) സംസ്ഥാന കമ്മിറ്റി സര്ക്കാരിനോട് ആവശ്യപ്പെട്ടു.
നാടിന്റെ സാമ്പത്തിക വളര്ച്ചയില് നിര്ണ്ണായക പങ്ക് വഹിച്ച ആയിരക്കണക്കിന് പ്രവാസികള് ഈ പ്രതിസന്ധി ഘട്ടത്തില് നാട്ടിലേക്ക് വരാന് സാധിക്കാതെ ബുദ്ധിമുട്ടുകയാണ്. ഇവര്ക്ക് താങ്ങായി നോര്ക്ക റൂട്ട്സും സര്ക്കാര് സംവിധാനങ്ങളും മുന്നോട്ടുവരണമെന്ന് സംസ്ഥാന കമ്മിറ്റി പ്രമേയത്തിലൂടെ അഭ്യര്ത്ഥിച്ചു.
വെര്ച്വല് യോഗത്തില് സംസ്ഥാന പ്രസിഡന്റ് ടി. ബഷീര് അഹമ്മദ് ബേപ്പൂര് അധ്യക്ഷത വഹിച്ചു. മുഹമ്മദലി മഞ്ചേരി, സലീം പാടത്ത്, എ.കെ. ഹംസ ഹാജി തൃശൂര്, ബാബുമോന് ഫറോക്ക്, എന്.സി. അസീസ് കൊടുവള്ളി, ഷഫീഖ് കായംകുളം, ജാഫര് മേടപ്പില്, സിദ്ദീഖ് പെരിന്തല്മണ്ണ, റാഫി രാമനാട്ടുകര എന്നിവര് സംസാരിച്ചു.
ജനറല് സെക്രട്ടറി ബി.കെ. സാലിം ബേക്കല് സ്വാഗതവും ഓര്ഗനൈസിംഗ് സെക്രട്ടറി നിഷാല് തറയങ്ങല് നന്ദിയും പറഞ്ഞു.
Related News
