മക്ക: ഈ വര്‍ഷത്തെ ഹജ്ജ് തീര്‍ത്ഥാടനത്തിനെത്തുന്ന ഹാജിമാരെ സഹായിക്കുന്നതിനായി സൗദി കേരള ഫാര്‍മസിസ്റ്റ്‌സ് ഫോറം (SKPF) 'ഹജ്ജ് അസിസ്റ്റന്‍സ് സെല്‍' രൂപീകരിച്ചു. തീര്‍ത്ഥാടകര്‍ക്ക് മരുന്ന് സംബന്ധമായ സേവനങ്ങള്‍ക്കും സംശയങ്ങള്‍ക്കും താഴെ പറയുന്ന അസിസ്റ്റന്‍സ് സെല്‍ അംഗങ്ങളുമായി നേരിട്ട് ബന്ധപ്പെടാവുന്നതാണെന്ന് ഫോറം പ്രസിഡന്റ് ഡോ. സുഹാജ് അബ്ദുല്‍ സലീം അറിയിച്ചു.

ബന്ധപ്പെടേണ്ടവര്‍: മുഹമ്മദ് തന്‍വീര്‍ വേങ്ങശ്ശേരി (ചെയര്‍മാന്‍): 055 954 3758, മുഹമ്മദ് ശിഹാബുദ്ധീന്‍ (കണ്‍വീനര്‍): 055 916 4445, സല്‍മാന്‍ വെങ്ങളം (വൈസ് ചെയര്‍മാന്‍): 053 781 3641, ഷിബിലി പെരുമ്പള്ളി (ജോ. കണ്‍വീനര്‍): 056 676 6053, അസറുദ്ധീന്‍ (കോര്‍ഡിനേറ്റര്‍): 055 048 1062 (ഈ നമ്പറുകളില്‍ ഫോണ്‍ വഴിയോ വാട്‌സ്ആപ്പ് വഴിയോ ബന്ധപ്പെടാവുന്നതാണ്).

സൗദി അറേബ്യയുടെ ആരോഗ്യമേഖലയില്‍ പ്രവര്‍ത്തിക്കുന്ന മലയാളി ഫാര്‍മസിസ്റ്റുകള്‍ കാല്‍ നൂറ്റാണ്ടായി ഹാജിമാര്‍ക്കുള്ള സേവനരംഗത്ത് സജീവമാണെന്ന് ജനറല്‍ സെക്രട്ടറി ആബിദ് പാറക്കല്‍ പറഞ്ഞു. മക്കയിലും മറ്റ് ഹജ്ജ് മശാഇറുകളിലുമായി വിപുലമായ സേവനങ്ങളാണ് അസിസ്റ്റന്‍സ് സെല്ലിലൂടെ ക്രമീകരിച്ചിരിക്കുന്നത്.

പ്രധാന സേവനങ്ങള്‍: നാട്ടില്‍ നിന്നും മറ്റും കൊണ്ടുവരുന്ന മരുന്നുകളെക്കുറിച്ചുള്ള നിയമപരമായ സംശയനിവാരണം. മരുന്നുകള്‍ എപ്പോള്‍, എങ്ങനെ ഉപയോഗിക്കണം എന്നതിനെക്കുറിച്ചുള്ള കൃത്യമായ മാര്‍ഗ്ഗനിര്‍ദ്ദേശങ്ങള്‍. യാത്രയ്ക്കിടയിലോ താമസസ്ഥലത്തോ മരുന്നുകളുമായി ബന്ധപ്പെട്ടുണ്ടാകുന്ന അടിയന്തര ആവശ്യങ്ങളില്‍ വിദഗ്ധ ഫാര്‍മസിസ്റ്റ് കണ്‍സള്‍ട്ടേഷന്‍. മരുന്നുകളുടെ ശരിയായ ഉപയോഗത്തെക്കുറിച്ചുള്ള ബോധവല്‍ക്കരണ ക്ലാസുകള്‍.

വിവിധ ഹജ്ജ് ഗ്രൂപ്പുകള്‍ക്കും സന്നദ്ധ സംഘടനകള്‍ക്കും ഹാജിമാരുടെ മരുന്ന് സംബന്ധമായ എന്ത് ആവശ്യങ്ങള്‍ക്കും മുകളില്‍ നല്‍കിയിട്ടുള്ള നമ്പറുകളില്‍ ഹജ്ജ് അസിസ്റ്റന്‍സ് സെല്ലുമായി ബന്ധപ്പെടാവുന്നതാണെന്ന് ഭാരവാഹികള്‍ അറിയിച്ചു.