​
​ജിദ്ദ: ദീർഘകാലമായി ജിദ്ദയിലെ ബിസിനസ് മേഖലയിൽ സജീവമായിരുന്ന കട്ടുപ്പാറ അബ്ദുൽ ജലീൽ നിര്യാതനായി. ജിദ്ദയിൽ സീഗൾസ് റെസ്റ്റോറന്റ് നടത്തിവരികയായിരുന്നു. അസുഖബാധിതനായി ഏതാനും മാസങ്ങളായി മക്കയിലെ ആശുപത്രിയിൽ ചികിത്സയിലായിരുന്നു. ഞായറാഴ്ച വൈകിട്ടോടെയായിരുന്നു അന്ത്യം.
​
ജിദ്ദയിലെ സാമൂഹിക, സാംസ്കാരിക, ജീവകാരുണ്യ മേഖലകളിൽ സജീവ സാന്നിധ്യമായിരുന്നു അദ്ദേഹം. 'തനിമ' സാംസ്കാരിക വേദിയിലൂടെ നിരവധി പ്രവാസികൾക്ക് താങ്ങും തണലുമായി അദ്ദേഹം പ്രവർത്തിച്ചിട്ടുണ്ട്.

​പിതാവ്: പരേതനായ കട്ടുപ്പാറ മൊയ്തീൻ കുട്ടി ഹാജി. ​ഭാര്യ: ഷമീന അസീസ്. (മക്കയിൽ ഇദ്ദേഹത്തെ പരിചരിക്കാനായി ഉണ്ടായിരുന്ന ഷമീന, വിസിറ്റ് വിസ കാലാവധി തീർന്നതിനാൽ രണ്ടാഴ്ച മുമ്പാണ് നാട്ടിലേക്ക് മടങ്ങിയത്). ​മക്കൾ: അമ്മാർ, ഐമൻ.​സഹോദരൻ: ഹസ്നൈൻ (മീഡിയവൺ). ജിദ്ദയിലെ ബിസിനസ് രംഗത്തും സാമൂഹിക, സാംസ്കാരിക രംഗത്തും സജീവ സാന്നിധ്യമായിരുന്ന പരേതനായ അബ്ദുൽ അസീസ് എടവനക്കാട് ഭാര്യാ പിതാവാണ്.