l o a d i n g

ആരോഗ്യം

എറണാകുളം ജനറല്‍ ആശുപത്രി ഇന്ത്യയിലെ ആദ്യ ഹൃദയം മാറ്റിവയ്ക്കല്‍ ജില്ലാതല ആശുപത്രിയാകുന്നു

ഹൃദയം മാറ്റിവയ്ക്കല്‍ ശസ്ത്രക്രിയയ്ക്കുള്ള ലൈസന്‍സ് ലഭിച്ചു

Thumbnail

കൊച്ചി: എറണാകുളം ജനറല്‍ ആശുപത്രി ഹൃദയം മാറ്റിവയ്ക്കല്‍ ശസ്ത്രക്രിയയ്ക്ക് സജ്ജമാകുന്നു. രാജ്യത്ത് ആദ്യമായാണ് ഒരു ജില്ലാതല ആശുപത്രി ഹൃദയം മാറ്റിവയ്ക്കല്‍ ശസ്ത്രക്രിയയ്ക്ക് ഒരുങ്ങുന്നത്. ഹൃദയം മാറ്റിവയ്ക്കല്‍ ശസ്ത്രക്രിയ നടത്താനുള്ള ലൈസന്‍സ് ആരോഗ്യ വകുപ്പ് മന്ത്രി വീണാ ജോര്‍ജിന്റെ സാന്നിധ്യത്തില്‍ കെ സോട്ടോ എക്സിക്യുട്ടീവ് ഡയറക്ടര്‍ ഡോ. നോബിള്‍ ഗ്രേഷ്യസ് എറണാകുളം ജനറല്‍ ആശുപത്രി സൂപ്രണ്ട് ഡോ. ഷഹിര്‍ഷായ്ക്ക് കൈമാറി.

എത്രയും വേഗം ഹൃദയം മാറ്റിവയ്ക്കല്‍ ശസ്ത്രക്രിയ നടത്താനുള്ള നടപടിക്രമങ്ങള്‍ പൂര്‍ത്തിയാക്കുമെന്ന് മന്ത്രി വീണാ ജോര്‍ജ് പറഞ്ഞു. രാജ്യത്തിന് തന്നെ അഭിമാനകരമാണ് എറണാകുളം ജനറല്‍ ആശുപത്രി. രാജ്യത്ത് ആദ്യമായി ജില്ലാതല ആശുപത്രിയില്‍ വൃക്ക മാറ്റിവയ്ക്കല്‍ ശസ്ത്രക്രിയ നടത്തിയത് ജനറല്‍ ആശുപത്രിയിലാണ്. ഹൃദയ ശസ്ത്രക്രിയാ വിദഗ്ധരുടെ സേവനം ലഭ്യമാക്കി രാജ്യത്ത് ആദ്യമായി ഒരു ജില്ലാതല ആശുപത്രിയില്‍ നെഞ്ച് തുറക്കാതെ വാല്‍വ് മാറ്റ ശസ്ത്രക്രിയ നടത്തി. ഇന്ത്യയില്‍ ആദ്യമായി ഹൃദയ ശസ്ത്രക്രിയ നടത്തിയ ജില്ലാതല ആശുപത്രി കൂടിയാണ്. കാര്‍ഡിയോളജി ഉള്‍പ്പെടെ 7 സൂപ്പര്‍ സ്പെഷ്യാലിറ്റി വിഭാഗങ്ങള്‍, 2 കാത്ത് ലാബുള്ള ആശുപത്രി, എന്‍.എ.ബി.എച്ച്. അംഗീകാരം എന്നിവ ഈ ആശുപത്രിയുടെ പ്രത്യേകതകളാണ്. ഇത് കൂടാതെയാണ് ഹൃദയം മാറ്റിവയ്ക്കല്‍ ശസ്ത്രക്രിയ യാഥാര്‍ത്ഥ്യമാക്കുന്നതെന്നും മന്ത്രി പറഞ്ഞു.

സംസ്ഥാനത്ത് സര്‍ക്കാര്‍ മേഖലയില്‍ കോട്ടയം മെഡിക്കല്‍ കോളേജിലാണ് ഹൃദയം മാറ്റിവയ്ക്കല്‍ ശസ്ത്രക്രിയ നടത്തുന്നത്. 10 ഹൃദയം മാറ്റിവയ്ക്കല്‍ ശസ്ത്രക്രിയകളാണ് ഇവിടെ നടന്നത്. ഇതിന് പുറമേയാണ് എറണാകുളം ജനറല്‍ ആശുപത്രി ഹൃദയം മാറ്റിവയ്ക്കല്‍ ശസ്ത്രക്രിയയ്ക്കായി സജ്ജമാകുന്നത്. കാര്‍ഡിയോളജി യൂണിറ്റ്, കാര്‍ഡിയോളജി ഐസിയു, വെന്റിലേറ്റര്‍, സുസജ്ജമായ ട്രാന്‍സ്പ്ലാന്റ് സംവിധാനങ്ങള്‍, അത്യാധുനിക ഓപ്പറേഷന്‍ തീയറ്റര്‍, ശസ്ത്രക്രിയ ഉപകരണങ്ങള്‍, വിദഗ്ധ ഡോക്ടര്‍മാര്‍ തുടങ്ങിയവയൊക്കെ പരിഗണിച്ചാണ് ഒരു സ്ഥാപനത്തിന് ഹൃദയം മാറ്റിവയ്ക്കല്‍ ശസ്ത്രക്രിയയ്ക്കുള്ള ലൈസന്‍സ് നല്‍കുന്നത്.

ഹൃദയം മാറ്റിവയ്ക്കല്‍ ശസ്ത്രക്രിയ നടത്തുന്നതിനുള്ള പ്രാരംഭ പ്രവര്‍ത്തനങ്ങള്‍ക്കായി ഹാര്‍ട്ട് ഫെയ്ലര്‍ ക്ലിനിക് ജനറല്‍ ആശുപത്രിയില്‍ പ്രവര്‍ത്തനം ആരംഭിച്ചിട്ടുണ്ട്. എല്ലാ ബുധനാഴ്ചകളിലുമാണ് ഈ ക്ലിനിക് പ്രവര്‍ത്തിച്ചു വരുന്നത്. മരുന്ന് കൊണ്ട് ചികിത്സിച്ച് ഭേദമാക്കാന്‍ കഴിയാത്ത, ഹൃദയത്തിന് തകരാറുള്ള രോഗികളെ ഹൃദയം മാറ്റിവയ്ക്കല്‍ ശസ്ത്രക്രിയയ്ക്കായി ലിസ്റ്റ് ചെയ്യുന്നതാണ് ആദ്യ ഘട്ടം. ഇത് നടത്തുന്നത് ഹാര്‍ട്ട് ഫെയ്ലര്‍ ക്ലിനിക്കിലാണ്. അത്തരം രോഗികള്‍ക്ക് വിദഗ്ധ ചികിത്സ നല്‍കുന്നതിനോടൊപ്പം അവയവം മാറ്റിവയ്ക്കല്‍ നടപടിയിലേക്ക് കടക്കുന്നു. സംസ്ഥാന സര്‍ക്കാരിന്റെ അവയവദാന പ്രക്രിയ ഏകോപിപ്പിക്കുന്ന കെ സോട്ടോ വഴി മരണാനന്തര അവയവ ദാനത്തിലൂടെ ഹൃദയം ലഭ്യമാക്കാനായി രജിസ്റ്റര്‍ ചെയ്യുന്നു. രോഗിയുടെ ഹൃദയത്തിന്റെ വലിപ്പം, മെഡിക്കല്‍ മാനദണ്ഡങ്ങള്‍, ഹൃദയത്തിന്റെ ചേര്‍ച്ച എന്നിവ വിലയിരുത്തി അവയവം ലഭ്യമാകുന്ന മുറയ്ക്കാണ് ഹൃദയം മാറ്റിവയ്ക്കല്‍ ശസ്ത്രക്രിയ നടത്തുന്നത്. വളരെയേറെ വെല്ലുവിളികളുള്ള ഹൃദയം മാറ്റിവയ്ക്കല്‍ ശസ്ത്രക്രിയ ജനറല്‍ ആശുപത്രിയില്‍ സജ്ജമാകുന്നതോടെ അതൊരു ചരിത്ര നിമിഷമാകും.


രാജൃത്താദ്യമായി ഹെല്‍ത്ത് സര്‍വീസിന് കീഴില്‍ അഞ്ച് വൃക്ക മാറ്റിവക്കല്‍ ശസ്ത്രക്രിയ നടത്തിയതും ഇവിടെയാണ്. കഴിഞ്ഞ ഒരു വര്‍ഷം 5 വൃക്ക മാറ്റിവക്കല്‍ ശസ്ത്രക്രിയ വിജയകരമായി നടത്തിയ യൂറോളജിസ്റ്റ് ഡോ. അനൂപ് കൃഷ്ണന്‍, നെഫ്രോളജിസ്റ്റ് ഡോ സന്ദീപ് ഷേണായ്, അനസ്‌തെറ്റിസ്റ്റ് ഡോ മധു വി, കാര്‍ഡിയോതൊറാസിക് സര്‍ജന്‍ ഡോ ജോര്‍ജ് വാളൂരാന്‍ എന്നിവര്‍ അടങ്ങുന്ന ട്രാന്‍സ്പ്ലാന്റേഷ9 ടീമിനെയും നേതൃത്വം നല്‍കുന്ന ആശുപത്രി സൂപ്രണ്ട് ഡോ. ഷാഹിര്‍ഷായെയും മന്ത്രി വീണാ ജോര്‍ജ് അഭിനന്ദിച്ചു.

സംസ്ഥാന സര്‍ക്കാരിന്റെ പുതു സംരംഭമായ ഹെല്‍ത്ത് ഹബ് എന്ന പരിപാടിയിലേക്ക് നാല് മെഡിക്കല്‍ കോളേജുകളോടൊപ്പം എറണാകുളം ജനറല്‍ ആശുപത്രിയെയും തെരഞ്ഞടുത്തു. സ്റ്റാഫ് വെല്‍ഫെയര്‍ കമ്മിറ്റി തയ്യാറാക്കിയ ആശുപത്രിയുടെ വിവിധ സേവനങ്ങള്‍ ഉള്‍ക്കൊള്ളുന്ന തീം ഗാനം പ്രകാശനം ചെയ്തു . ഡോ ജെയ്‌സണ്‍ തോമസ് ആലപിച്ച് ജെറിന്‍ ജോബ് സംഗീതം നിര്‍വഹിച്ച ഗാനമാണിത്. വൈവിധ്യങ്ങള്‍ കൊണ്ടും നൂതന ആശയങ്ങള്‍ കൊണ്ടും സമ്പന്നമായ എറണാകുളം ജനറല്‍ ആശുപത്രിക്ക് ഇനി സ്വന്തമായി തീം സോങ് ഉണ്ടാകുമെന്നും ഇത് സംസ്ഥാനത്തെ ആദ്യ സംരംഭമാണെന്നും ആശുപത്രി സൂപ്രണ്ട് അറിയിച്ചു.

Latest News

ആംഫെറ്റാമൈന്‍ ഗുളികകള്‍ രാജ്യത്തേക്ക് കടത്തിയതിന് സ്വദേശിയെ സൗദി അറേബ്യ വധശിക്ഷയ്ക്ക്  വിധേയനാക്കി
ആംഫെറ്റാമൈന്‍ ഗുളികകള്‍ രാജ്യത്തേക്ക് കടത്തിയതിന് സ്വദേശിയെ സൗദി അറേബ്യ വധശിക്ഷയ്ക്ക് വിധേയനാക്കി
December 23, 2024
മെക് 7 വ്യായാമ പരിപാടി  കാലഘട്ടത്തിന് അനുയോജ്യമായ  ജനകീയ ആരോഗ്യ പ്രവര്‍ത്തനം - പഴകുളം മധു
മെക് 7 വ്യായാമ പരിപാടി കാലഘട്ടത്തിന് അനുയോജ്യമായ ജനകീയ ആരോഗ്യ പ്രവര്‍ത്തനം - പഴകുളം മധു
December 23, 2024
പ്രധാനമന്ത്രി നരേന്ദ്ര മോദിക്ക് 'മുബാറക് അല്‍ കബീര്‍ നെക്ലേസ്'
പ്രധാനമന്ത്രി നരേന്ദ്ര മോദിക്ക് 'മുബാറക് അല്‍ കബീര്‍ നെക്ലേസ്'
December 23, 2024
ബ്രസീലില്‍ വിമാനം തകര്‍ന്നു വീണ് പത്തു പേര്‍ മരിച്ചു; നിരവധിപേര്‍ക്ക് പരിക്ക്
ബ്രസീലില്‍ വിമാനം തകര്‍ന്നു വീണ് പത്തു പേര്‍ മരിച്ചു; നിരവധിപേര്‍ക്ക് പരിക്ക്
December 23, 2024
 മനുഷ്യക്കടത്ത്; വ്യാജ ജോലികള്‍ക്കെതിരേ നോര്‍ക്കയുടെ ജാഗ്രതാ നിര്‍ദേശം
മനുഷ്യക്കടത്ത്; വ്യാജ ജോലികള്‍ക്കെതിരേ നോര്‍ക്കയുടെ ജാഗ്രതാ നിര്‍ദേശം
December 22, 2024
ലോകകപ്പ് ഫുട്‌ബോള്‍ വേദി നേടിയ സൗദി ഭരണാധികാരികള്‍ക്ക് റിയാദ് ടാക്കിസിന്റെ അഭിനന്ദനങ്ങള്‍
ലോകകപ്പ് ഫുട്‌ബോള്‍ വേദി നേടിയ സൗദി ഭരണാധികാരികള്‍ക്ക് റിയാദ് ടാക്കിസിന്റെ അഭിനന്ദനങ്ങള്‍
December 22, 2024
ഖത്തറിലെ ഖലം അക്കാദമി വിദ്യാര്‍ത്ഥികള്‍ അറബി ഭാഷാദിനം ആഘോഷിച്ചു
ഖത്തറിലെ ഖലം അക്കാദമി വിദ്യാര്‍ത്ഥികള്‍ അറബി ഭാഷാദിനം ആഘോഷിച്ചു
December 22, 2024
 നേപ്പാളിസ് എംബസി ലേബര്‍ അറ്റാഷെക്ക് പ്രവാസി ലീഗല്‍ സെല്‍ ബഹറിന്‍ ചാപ്റ്റര്‍ യാത്രയയപ്പ്
നേപ്പാളിസ് എംബസി ലേബര്‍ അറ്റാഷെക്ക് പ്രവാസി ലീഗല്‍ സെല്‍ ബഹറിന്‍ ചാപ്റ്റര്‍ യാത്രയയപ്പ്
December 22, 2024
പ്രവാസി ഹെല്‍പ്ഡെസ്‌ക്: ധാരണാപത്രം തിങ്കളാഴ്ച്ച ഒപ്പുവയ്ക്കും
പ്രവാസി ഹെല്‍പ്ഡെസ്‌ക്: ധാരണാപത്രം തിങ്കളാഴ്ച്ച ഒപ്പുവയ്ക്കും
December 22, 2024
ആടു ജീവിതം അവസാനിക്കുന്നില്ല; അമ്മാസിയുടെ ആടു ജീവിതത്തിനു പിന്നില്‍ മലയാളി
ആടു ജീവിതം അവസാനിക്കുന്നില്ല; അമ്മാസിയുടെ ആടു ജീവിതത്തിനു പിന്നില്‍ മലയാളി
December 22, 2024
Download Newzin App
Easy to update latest news, daily podcast and everything in your hand