കൊച്ചി: ഇംപ്രസാരിയോ മിസ് കേരള-2024 കിരീടം എറണാകുളം വൈറ്റില സ്വദേശി മേഘ ആന്റണിക്ക്. കോട്ടയം സ്വദേശി എന്‍. അരുന്ധതി ഫസ്റ്റ് റണ്ണറപ്പും തൃശൂര്‍ കൊരട്ടി സ്വദേശി ഏയ്ഞ്ചല്‍ ബെന്നി സെക്കന്‍ഡ് റണ്ണറപ്പുമായി തെരഞ്ഞെടുത്തു.

ഗ്രാന്‍ഡ് കേരള കണ്‍സ്യൂമര്‍ ഫെസ്റ്റിവലിന്റെ ഭാഗമായായിരുന്നു 'മിസ് കേരള 2024' മത്സരം. മിസ് കേരള 24ാമത് പതിപ്പില്‍ 300 മത്സരാര്‍ഥികളാണ് പങ്കെടുത്തത്. വിവിധ തലത്തിലുള്ള മത്സരങ്ങള്‍ക്ക് ശേഷം വിജയികളായ 19 പേരാണ് ഫൈനല്‍ റൗണ്ടില്‍ എത്തിയത്. മൂന്ന് റൗണ്ടുകളാണ് ഫൈനലില്‍ ഉണ്ടായിരുന്നത്.

എറണാകുളം സെന്റ് തെരേസാസ് കോളജിലെ ബിരുദ വിദ്യാര്‍ഥിയാണ് മേഘ. മിസ് ഫിറ്റ്‌നസ്, മിസ് ബ്യൂട്ടിബുള്‍ സ്‌മൈല്‍ റോസ്മി ഷാജിയും മിസ് ബ്യൂട്ടിഫുള്‍ ഐസ് ആയി ഏയ്ഞ്ചല്‍ ബെന്നിയും മിസ് ടാലന്റ് ആയി അദ്രിക സഞ്ജീവും തെരഞ്ഞെടുക്കപ്പെട്ടു. മിസ് ബ്യൂട്ടിഫുള്‍ സ്‌കിന്‍ ആയി അമ്മു ഇന്ദു അരുണും മിസ് ഫോട്ടോജനിക്, മിസ് ബ്യൂട്ടിഫുള്‍ ഹെയര്‍ എന്നിവയില്‍ സാനിയ ഫാത്തിമയും വിജയികളായി.