കൊച്ചി: ബ്ലാസ്റ്റേഴ്‌സിനെതിരെ ഗോകുലം കേരളക്ക് ജയം, ഗോകുലത്തിനായി കളിയിലെ ഏക ഗോള്‍ നേടിയത് മലയാളി താരം ജിയാദ്. ആദ്യാവസാനം ഇരുടീമുകളും ആക്രമിച്ച് കളിച്ചുവെങ്കിലും ബ്ലാസ്റ്റേഴ്സ് മുന്നേറ്റങ്ങളെ ഭംഗിയായി തടയിട്ട ഗോകുലം ഡിഫെന്‍ഡേര്‍സും, ആര്‍ദ്ധ അവസരങ്ങള്‍ പോലും മികച്ച മുന്നേറ്റങ്ങളാക്കി മാറ്റിയ ഗോകുലം മുന്നേറ്റ നിരയും കയ്യടി അര്‍ഹിക്കുന്നു.

ജയത്തോടെ കേരള റീജിയനില്‍ റണ്ണര്‍ അപ്പായി ഗോകുലം കേരള എഫ് സി. ലീഗിലിതുവരെ അഞ്ചു മത്സരങ്ങള്‍ കളിച്ച ഗോകുലം മുത്തൂറ്റ് എഫ് എ യോട് 1 -0 മാര്‍ജിനില്‍ തോറ്റതൊഴിച്ചാല്‍ ബാക്കി നാലും വിജയിച്ചു. ഇതോടെ സോണല്‍ ലെവല്‍ മത്സരങ്ങളിലേക്ക് ടീം ക്വാളിഫൈഡ് ആയി. ഫിറോസ് ഷെരീഫാണ് ടീം ഹെഡ് കോച്ച്. 35 പേരുടെ സ്‌ക്വാഡില്‍ 32 പ്ലയേഴ്സും മലയാളികളാണ്.