ന്യൂയോര്‍ക്ക്: വിമാനം പറത്തുന്നതിനിടെ ദേഹാസ്വാസ്ഥ്യം അനുഭവപ്പെട്ട ടര്‍ക്കിഷ് എയര്‍ലൈന്‍സ് പൈലറ്റ് മരിച്ചു. ഇല്‍സെഹിന്‍ പെഹ്ലിവാന്‍ (59) എന്ന പൈലറ്റാണ് മരിച്ചത്. തുടര്‍ന്ന് വിമാനം ന്യൂയോര്‍ക്കില്‍ അടിയന്തരമായി ഇറക്കി. അമേരിക്കയിലെ സീറ്റിലില്‍ നിന്ന് തുര്‍ക്കിയിലെ ഇസ്തംബൂളിലേക്കുള്ള യാത്രക്കിടെയാണ് സംഭവം.
യാത്രാമധ്യേ പൈലറ്റിന് ദേഹാസ്വാസ്ഥ്യമുണ്ടാവുകയായിരുന്നു. പ്രഥമശുശ്രൂഷ നല്‍കാനുള്ള ശ്രമം പരാജയപ്പെട്ടതിനെ തുടര്‍ന്ന് മറ്റൊരു പൈലറ്റും സഹ പൈലറ്റും ചേര്‍ന്ന് ന്യൂയോര്‍ക്കില്‍ വിമാനത്തിന് അടിയന്തര ലാന്‍ഡിങ് അനിമതി തേടുകയും ലാന്റിംഗങ് നടത്തുകയുമായിരുന്നു. ലാന്‍ഡിങ്ങിനു മുമ്പ് തന്നെ പെഹ്ലിവാന്‍ മരിച്ചിരുന്നു. 2007 മുതല്‍ ടര്‍ക്കിഷ് എയര്‍ലൈന്‍സില്‍ ജോലി ചെയ്യുന്നയാളാണ് മരിച്ച പെഹ്ലിവാന്‍.
Related News
