റിയാദ്: രാജ്യത്തിന്റെ സമസ്ത മേഖലകളിലും നെഹ്റുവിന്റെ കൈയൊപ്പ് പതിഞ്ഞിട്ടുണ്ടെന്ന് ഒ.ഐ.സി.സി റിയാദ് സെന്‍ട്രല്‍ കമ്മിറ്റി പ്രസിഡന്റ് അബ്ദുള്ള വല്ലാഞ്ചിറ. ഭരണഘടനയുടെ രൂപീകരണത്തിലും, വിദേശ നയതന്ത്ര രംഗത്തും, വിദ്യാഭ്യാസ നയങ്ങളിലും, കാര്‍ഷിക വ്യവസായ ബഹിരാകാശ ശാസ്ത്ര സാങ്കേതിക രംഗത്തും, നയങ്ങളിലുമെല്ലാം നെഹ്റുവിന്റെ ദീര്‍ഘവീക്ഷണത്തോടെയുള്ള കാഴ്ച്ചപ്പാടുകളുടെ പ്രതിഫലനങ്ങളുടെ ഫലമാണ് ഇന്ന് നമുക്ക് കാണാന്‍ സാധിക്കുന്നതെന്നും, ഫാസിസ്റ്റ് ഭരണകൂടം എത്രമാത്രം പൊളിച്ചെഴുതാന്‍ ശ്രമിച്ചാലും വേരറ്റുപോകാന്‍ വിസമ്മതിക്കും വിധം സുദൃഢമാണ് ഈ കൈയൊപ്പുകളെന്ന്
പണ്ഡിറ്റ് ജവഹര്‍ലാല്‍ നെഹ്റുവിന്റെ 135-ാമത് ജന്മദിനത്തില്‍ ഒ ഐസിസി റിയാദ് സെന്‍ട്രല്‍ കമ്മിറ്റി സംഘടിപ്പിച്ച ശിശുദിന പരിപാടി ഉല്‍ഘാടനം ചെയ്തു കൊണ്ട് അദ്ദേഹം പറഞ്ഞു.
ബത്ഹ സബര്‍മതി ഓഫീസില്‍ നടന്ന പരിപാടിക്ക് ഒ.ഐ.സി.സി സെന്‍ട്രല്‍ കമ്മിറ്റി വൈസ് പ്രസിഡന്റ് രഘുനാഥ് പറശ്ശിനിക്കടവ് അധ്യക്ഷത വഹിച്ചു. ഒ.ഐ.സി.സി നാഷണല്‍ കമ്മിറ്റി അംഗം അഡ്വ: എല്‍.കെ അജിത്ത് മുഖ്യപ്രഭാഷണം നടത്തി. ദല്‍ഹിയിലെ പ്രസിദ്ധമായ ജവഹര്‍ലാല്‍ നെഹ്റു യൂണിവേഴ്സിറ്റിയോടും, നെഹ്റു മ്യൂസിയത്തോടും മോദി സര്‍ക്കാര്‍ തുടര്‍ച്ചയായി പുലര്‍ത്തുന്ന അസഹിഷ്ണുതയും അവ പിടിച്ചെടുക്കാനും പേരു മാറ്റാനും ഉള്‍പ്പടെ നടത്തിയ ശ്രമങ്ങളും നെഹ്റുവിന്റെ പേരുപോലും അവരെ എത്രമാത്രം അസ്വസ്ഥമാക്കുന്നുണ്ടെന്നും, ഒരു പക്ഷേ തകര്‍ക്കാന്‍ ശ്രമിക്കുംതോറും കൂടുതല്‍ കൂടുതല്‍ ശക്തമായി വര്‍ത്തമാന ഇന്ത്യയില്‍ വീണ്ടും വീണ്ടും ഓര്‍മിക്കപ്പെടുന്ന രാഷ്ട്രീയ പ്രതീകം ജവഹര്‍ലാല്‍ നെഹ്റു മാത്രമായിരിക്കുമെന്നും മുഖ്യപ്രഭാഷണം നടത്തി കൊണ്ട് അദ്ദേഹം പറഞ്ഞു. ഭാരവാഹി കളായ ഫൈസല്‍ ബാഹസ്സന്‍, യഹ്യ കൊടുങ്ങല്ലൂര്‍, മൃദുല വിനീഷ്, നാസര്‍ വലപ്പാട്, ഹകീം പട്ടാമ്പി, സലാം ഇടുക്കി, ഷാജി മഠത്തില്‍ എന്നിവര്‍ സംസാരിച്ചു. പ്രോഗ്രാം കണ്‍വീനര്‍ അമീര്‍ പട്ടണത്ത് സ്വാഗതവും സെക്രട്ടറി ജോണ്‍സണ്‍ മാര്‍ക്കോസ് നന്ദിയും പറഞ്ഞു.
ഒഐസിസി ഭാരവാഹികളായ സുരേഷ് ശങ്കര്‍,ശുകൂര്‍ ആലുവ, അബ്ദുല്‍ കരീം കൊടുവള്ളി, ഷംനാദ് കരുനാഗപ്പള്ളി, റഫീഖ് വെമ്പായം, അസ്‌ക്കര്‍ കണ്ണൂര്‍,മൊയ്ദീന്‍ മണ്ണാര്‍ക്കാട്,സൈനുദ്ധീന്‍ പാലക്കാട്,ഷഫീക് പുരക്കുന്നില്‍,മുസ്തഫ പാലക്കാട്, കെ.കെ തോമസ്, ശരത് സ്വാമിനാഥന്‍,മജു സിവില്‍ സ്റ്റേഷന്‍, സിദ്ധീഖ് കല്ലു പറമ്പന്‍, ബഷീര്‍ കോട്ടയം,അന്‍സാര്‍ പാലക്കാട്,സ്മിത മുഹിയിദ്ധീന്‍,സിംന നൗഷാദ്,സൈഫുന്നീസ സിദീഖ്, കമറുദ്ധീന്‍ താമരകുളം, സോണി പാറക്കല്‍,ത്വല്‍ഹത്ത് തൃശൂര്‍എന്നിവര്‍ സന്നിഹിതരായി. മുനീര്‍ ഇരിക്കൂര്‍, ബിനോയ് മാത്യു,ഹരീന്ദ്രന്‍ പയ്യന്നൂര്‍,നൗഷാദ് ഇടുക്കി, വഹീദ് വാഴക്കാട്,അന്‍സാര്‍ വര്‍ക്കല, സമീര്‍ മാളിയേക്കല്‍, ഹാഷിം കണ്ണാടി പറമ്പ്,ജംഷാദ് തുവൂര്‍,അന്‍സായി, ഷൌക്കത്ത്, അലക്‌സ് കൊല്ലം,ഉമ്മര്‍ ശരീഫ്,സത്താര്‍ ഓച്ചിറ,, വിനീഷ് ഒതായ ,എന്നിവര്‍ നേതൃത്വം നല്‍കി.
Related News
