ദോഹ: സഫാരി ഗ്രൂപ്പ് ഓഫ് കമ്പനീസിന്റെ പുതിയ ഹൈപ്പര്‍മാര്‍ക്കറ്റ് ബിര്‍ക്കത്ത് അല്‍ അവമറില്‍ തുറന്നു പ്രവര്‍ത്തനമാരംഭിച്ചു. സഫാരി ഗ്രൂപ്പ് ഓഫ് കമ്പനീസ് ഗ്രൂപ്പ് ചെയര്‍മാന്‍ ഹമദ് ദാഫര്‍ അബ്ദല്‍ ഹാദി അല്‍ അഹ്ബാബി, സഫാരി ഗ്രൂപ്പ് ഓഫ് കമ്പനീസ് ചെയര്‍മാന്‍ അബൂബക്കര്‍ മടപ്പാട്ട്, മാനേജിങ് ഡയറക്ടര്‍മാരായ സൈനുല്‍ ആബിദീന്‍, ഷഹീന്‍ ബക്കര്‍, ഡയറക്ടര്‍ ഷാഹിദ് ബക്കര്‍, മറ്റു മാനേജ്മെന്റ് പ്രതിനിധികള്‍ എന്നിവര്‍ ചേര്‍ന്നാണ് ഉദ്ഘാടന കര്‍മ്മം നിര്‍വഹിച്ചത്.
പുതിയ ശാഖയുടെ ഉദ്ഘാടനത്തിനോടനുബന്ധിച്ച് രണ്ടു മെഗാ പ്രൊമോഷനുകള്‍ ഉപഭോക്താക്കള്‍ക്കായി സഫാരി ഒരുക്കിയിട്ടുണ്ട്. അമ്പതു റിയാലിന് സാധനങ്ങള്‍ വാങ്ങുമ്പോള്‍ നറുക്കെടുപ്പിലൂടെ ഒരു ലക്ഷം റിയാലും ഇ റാഫിള്‍ കൂപ്പണ്‍ നറുക്കെടുപ്പിലൂടെ മൂന്ന് എംജി ഇസഡ് എസ് 2024 മോഡല്‍ കാറുകളും ലഭിക്കാനുള്ള അവസരമാണ് ഒരുക്കിയിരിക്കുന്നത്. സഫാരിയുടെ ബിര്‍ക്കത്ത് അല്‍ അവമര്‍ ഏഴു നറുക്കെടുപ്പുകളിലൂടെ ആണ് വിജയികളെ കണ്ടെത്തുന്നത്. ഒന്നാം സമ്മാനമായി അന്‍പതിനായിരം. ഇതിനോടൊപ്പം നടക്കുന്ന മറ്റൊരു മെഗാ പ്രമോഷന്‍ ആണ് അമ്പതു റിയാലിന് സാധനങ്ങള്‍ വാങ്ങുമ്പോള്‍ ലഭിക്കുന്ന റാഫിള്‍ കൂപ്പണ്‍ നറുക്കെടുപ്പിലൂടെ ഉപഭോക്താവിന് മൂന്ന് എംജി ഇസഡ് എസ് 2024 മോഡല്‍ കാറുകള്‍ സ്വന്തമാക്കാനുള്ള അവസരം.
ഉപഭോക്താക്കള്‍ക്ക് അത്യാധുനിക സൗകര്യങ്ങളോടെയുള്ള ഷോപ്പിംഗ് അനുഭവം നല്‍കുന്നതിനോടൊപ്പം ലോകോത്തര ബ്രാന്‍ഡഡ് ഉത്പന്നങ്ങളടക്കം എല്ലാം ഒരു കുടക്കീഴില്‍ ലഭ്യമാക്കാന്‍ സഫാരിക്ക് സാധിച്ചിട്ടുണ്ട്. പലചരക്കു സാധനങ്ങള്‍, പഴവര്‍ഗ്ഗങ്ങള്‍, പച്ചക്കറികള്‍, മത്സ്യമാംസങ്ങള്‍ മുതല്‍ വസ്ത്രങ്ങള്‍, പാദരക്ഷകള്‍, ആരോഗ്യ സൗന്ദര്യ വസ്തുക്കള്‍, ഇലക്ട്രോണിക്സ്, ഐ ടി തുടങ്ങി ഉപഭോക്താക്കള്‍ക്ക് സുപരിചിതവും പ്രിയപെട്ടതുമായ എല്ലാ ബ്രാന്‍ഡുകളുടെ ഉത്പന്നങ്ങളും ഏറ്റവും ആകര്‍ഷകമായ വിലയില്‍ സഫാരി പുതിയ ഹൈപ്പര്‍മാര്‍ക്കറ്റില്‍ ലഭ്യമാക്കിയിട്ടുണ്ട്. 2005ല്‍ സല്‍വാ റോഡിലെ സഫാരി ഹൈപ്പര്‍മാര്‍ക്കറ്റിന്റെ ഉദ്ഘാടനത്തോടനുബന്ധിച്ച് ഒരു കിലോ സ്വര്‍ണ്ണം സമ്മാനമായി നല്‍കിസഫാരി തുടങ്ങിയ സമ്മാന പദ്ധതികള്‍ നിരവധി വിജയികളെ സൃഷ്ടിച്ചിട്ടുണ്ട്. ഖത്തറിലെ റീട്ടെയില്‍ മേഖലയില്‍ ആദ്യമായി ഒരു മില്ല്യണ്‍ ഖത്തര്‍ റിയാല്‍ ഒന്നാം സമ്മാനം നല്‍കി സഫാരി ചരിത്രം കുറിച്ചതു കൂടാതെ ഒട്ടനവധി ക്യാഷ് പ്രൈസുകളും സ്വര്‍ണ്ണ സമ്മാനങ്ങളും ലക്ഷറി എസ് യു വികള്‍, ലാന്റ് ക്രൂയിസര്‍, നിസ്സാന്‍ പട്രോള്‍, ഫോര്‍ച്യൂണര്‍ കാറുകള്‍ തുടങ്ങി നിരവധി വാഹനങ്ങളും സമ്മാനമായി നല്‍കിയ സഫാരി വ്യത്യസ്തമായാണ് പ്രമോഷനുകള്‍ അവതരിപ്പിക്കാറുള്ളത്. സഫാരി ഹൈപ്പര്‍മാര്‍ക്കറ്റിന്റെ മറ്റു ശാഖകള്‍ അബുഹമൂറിലും സല്‍വ റോഡിലും അല്‍ഖോറിലും ബര്‍വ്വ വില്ലേജിലും ഇന്‍ഡസ്ട്രിയല്‍ ഏരിയയിലുമാണ് പ്രവര്‍ത്തിക്കുന്നത്.
Related News
