കൊച്ചി അന്താരാഷ്ട്ര വിമാനത്താവള ലിമിറ്റഡിന്റെ (സിയാല്‍) 2024 ശൈത്യകാല സമയക്രമത്തില്‍ മികച്ച കണക്റ്റിവിറ്റിയുമായി ഇന്‍ഡിഗോ. പുതുക്കിയ സമയക്രമ പ്രകാരം പ്രതിദിനം ഏകദേശം 80 ഇന്‍ഡിഗോ വിമാനങ്ങളാണ് വിവിധ അന്താരാഷ്ട്ര, ആഭ്യന്തര ലക്ഷ്യസ്ഥാനങ്ങളിലേക്കും കൊച്ചിയിലേക്കും സര്‍വീസ് നടത്തുന്നത്.

സിയാലിന്റെ 2024 ശൈത്യകാല സമയക്രമത്തില്‍, ഇന്‍ഡിഗോ കൊച്ചിയില്‍ നിന്ന് അന്താരാഷ്ട്ര സെക്ടറില്‍, 41 പ്രതിവാര സര്‍വീസുകളാണ് നടത്തുക. അബുദാബി, മസ്‌കറ്റ്, മാലി, ദോഹ, ദുബായ്, കൊളംബോ, കുവൈറ്റ് തുടങ്ങിയ പ്രധാന ആഗോള ലക്ഷ്യസ്ഥാനങ്ങളുമായാണ് പ്രധാന കണക്റ്റിവിറ്റി. കൂടാതെ, ദല്‍ഹി, റായ്പൂര്‍, മുംബൈ, പൂനെ, അഹമ്മദാബാദ്, ഭോപ്പാല്‍, ചണ്ഡീഗഡ്, കൊല്‍ക്കത്ത, ബാംഗ്ലൂര്‍, ചെന്നൈ, ഹൈദരാബാദ്, ഗോവ, അഗത്തി, കോഴിക്കോട്, കണ്ണൂര്‍, തിരുവനന്തപുരം, എന്നീ പ്രധാന നഗരങ്ങളിലേക്കും ദിവസേന സര്‍വീസുകള്‍ നടത്തി വരുന്നു. 220 പ്രതിവാര സര്‍വീസുകളാണ് ആഭ്യന്തര സെക്ടറില്‍ ഇന്‍ഡിഗോ കൊച്ചി വിമാനത്താവളത്തില്‍ നിന്ന് ക്രമീകരിച്ചിട്ടുള്ളത്.