റിയാദ്: കൊല്ലം ടികെഎം എന്‍ജിനീയറിങ് കോളേജ് സൗദി അലൂമിനി ചാപ്റ്റര്‍ റിയാദില്‍ സംഘടിപ്പിക്കുന്ന 'ഇന്റര്‍ എഞ്ചിനീയറിംഗ് കോളേജ് ബാഡ്മിന്റണ്‍' ചാമ്പ്യന്‍ഷിപ്പ് 'ടി കെ എം സ്മാഷ് 24 സീസണ്‍ 1' ന്റെ ലോഗോ പ്രകാശനം എന്‍ കെ പ്രേമചന്ദ്രന്‍ എം.പി റിയാദില്‍ നിര്‍വഹിച്ചു.
ചടങ്ങില്‍ ടൂര്‍ണ്ണമെന്റ് സ്‌പോണ്‍സേര്‍സ് ആയ എം എ ആര്‍ പ്രോജക്ട്‌സ്, ഇഎംഎസ് ട്രേഡിങ്, സ്മാര്‍ട്ട് സ്റ്റാര്‍ കണ്‍സള്‍ട്ടന്‍സ്, ഇന്‍വിക്റ്റ ഡ്യൂറസ്റ്റീല്‍ ഭാരവാഹികള്‍ സംബന്ധിച്ചു.
റിയാദ് ഇന്റര്‍നാഷണല്‍ ഇന്ത്യന്‍ എംബസി സ്‌കൂള്‍ ബോയ്‌സ് സെക്ഷനില്‍ വച്ച് നവംബര്‍ 21, 22 തീയതികളില്‍ ആണ് ടൂര്‍ണമെന്റ് നടത്തുന്നത്. വിവിധ എന്‍ജിനീയറിങ് കോളേജുകളില്‍ നിന്നുള്ള മലയാളി എഞ്ചിനീയര്‍ മാരും കുടുംബാംഗങ്ങളും മത്സരത്തില്‍ പങ്കെടുക്കും. പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കും സിംഗിള്‍സ്, ഡബിള്‍സ്, മിക്‌സഡ് ഡബിള്‍സ്, എന്നീ വിവിധ വിഭാഗങ്ങളിലാണ് മത്സരം. ഓരോ വിഭാഗത്തിലെ വിജയികള്‍ക്കും ട്രോഫിയും ക്യാഷ് പ്രൈസുകളും പോയിന്റ് അടിസ്ഥാനത്തില്‍ വിജയിക്കുന്ന കോളേജിന് ഓവറോള്‍ ചാമ്പ്യന്‍ഷിപ്പ് ട്രോഫിയും സമ്മാനിക്കും.
സൗദിയിലെ എല്ലാ മലയാളി എന്‍ജിനീയേഴ്‌സിനെയും ടൂര്‍ണമെന്റിലേക്ക് ക്ഷണിക്കുന്നതായി ബാഡ്മിന്റണ്‍ ടൂര്‍ണമെന്റ് ഓര്‍ഗനൈസിംഗ് കമ്മിറ്റി അംഗങ്ങള്‍ അറിയിച്ചു.
Related News
