മലപ്പുറം: വായന എന്ന പ്രക്രിയ പകര്‍ന്നുതരുന്ന ആഹ്ലാദം അനുഭവിക്കാന്‍ ശ്രമിക്കാത്തവരെക്കുറിച്ചാണ് താന്‍ വേവലാതിപ്പെടുന്നതെന്നും വായിക്കാന്‍ സമയമില്ലെന്ന് പറയുന്നവര്‍ ജീവിക്കാന്‍ സമയമില്ലെന്ന് പറയുന്നതിന് തുല്യമാണെന്നും പ്രമുഖ സാഹിത്യകാരന്‍ മുഹമ്മദ് അബ്ബാസ് പറഞ്ഞു. മേല്‍മുറി അരങ്ങ് ലൈബ്രറി, സംഘടിപ്പിച്ച 'വായനയുടെ സമകാലിക അവസ്ഥ ' എന്ന ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു എഴുത്തുകാരനായ മുഹമ്മദ് അബ്ബാസ്. തന്റെ എഴുത്ത് അനുഭവങ്ങള്‍ മുഹമ്മദ് അബ്ബാസ് സദസ്സുമായി പങ്കുവെച്ചു.
മുഹമ്മദ് അബ്ബാസ് രചിച്ച ഏതാനും പുസ്തകങ്ങള്‍ അരങ്ങ് ലൈബ്രറിക്ക് നല്‍കിയത് വി. ഉമ്മര്‍, ഉസ്മാന്‍ ഇരുമ്പുഴി എന്നിവര്‍ ഏറ്റുവാങ്ങി. ചടങ്ങില്‍ വി.ഖാലിദ്, മുഹമ്മദലി ഇരുമ്പുഴി, പരവക്കല്‍ അബൂബക്കര്‍, മുഹമ്മദ് അലി മുണ്ടുപറമ്പ് സാബിത് അലി, ഷമീം കോട്ടക്കല്‍ തുടങ്ങിയവര്‍ സംസാരിച്ചു.
-ഉസ്മാന്‍ ഇരുമ്പുഴി
Related News
