മക്ക: ഐ സി എഫ്-ആര്‍ എസ് സി ഹജ്ജ് വളണ്ടിയര്‍ കോറിന്റെ ഭാഗമായി രക്തദാന ക്യാമ്പ് സംഘടിപ്പിച്ചു. അസീസിയ്യയിലെ കിംഗ് അബ്ദുല്ല മെഡിക്കല്‍ സിറ്റിയിലെ ബ്ലഡ് ബാങ്ക് ഡിപ്പാര്‍ട്ട്‌മെന്റുമായി സഹകരിച്ചാണ് രക്തദാന ക്യാമ്പ് സംഘടിപ്പിച്ചത്. നേരത്തെ ഓണ്‍ലൈന്‍ മുഖേന രജിസ്റ്റര്‍ ചെയ്ത പ്രവര്‍ത്തകരാണ് ക്യാമ്പില്‍ പങ്കെടുത്തത്.
ചീഫ് കോഡിനേറ്റര്‍ ജമാല്‍ കക്കാട് ക്യാമ്പ്.ഉദ്ഘാടനം ചെയ്തു. കഴിഞ്ഞ വര്‍ഷങ്ങളിലും വളണ്ടിയര്‍കോറിന്റെ നേതൃത്വത്തില്‍ ഇത്തരത്തിലുള്ള രക്തദാന ക്യാമ്പ് സംഘടിപ്പിച്ചിരുന്നു. രക്തദാനത്തിന്റെ പ്രാധാന്യം പൊതു സമൂഹത്തെ ബോധ്യപെടുത്തുന്നതോടൊപ്പം രക്ത ദാനത്തിന്റെ പ്രാധാന്യം വിളിച്ചറിയിക്കുക എന്നതും ഇതിലൂടെ ലക്ഷ്യം വെക്കുന്നു. അടിയന്തിര സാഹചര്യത്തില്‍ രക്തം നല്‍കാന്‍ തയ്യാറാണെന്ന് അറിയിച്ച പ്രവര്‍ത്തകരെ അധികൃതര്‍ അനുമോദിച്ചു. രക്ത ദാനം നടത്തിയവര്‍ക്ക് മെഡിക്കല്‍ സിറ്റി അധികൃതര്‍ അനുമോദന പത്രം നല്‍കുകി.
ബ്ലഡ് ബാങ്ക് പ്രതിനിധി ജംഷാദ് പി കെ താമരശ്ശേരി , സിറാജ് വില്യാപ്പള്ള, അലി കോട്ടക്കല്‍, മൊയ്തീന്‍ കോട്ടോപ്പാടം, കബീര്‍ ചേളാരി, അന്‍സാര്‍, അനസ് മുബാറക്, ഫിറോസ് സഅദി ഉമര്‍ ഹാജി, ഷെഫിന്‍, ഷാഫി ബാഖവി, യാസിര്‍ സഖാഫി കൂമണ്ണ, റഷീദ് വേങ്ങര, അഹ്‌മദ് കബീര്‍ എന്നിവര്‍ ക്യാമ്പിന് നേതൃത്വം നല്‍കി.
Related News
